വൈഗ അണക്കെട്ടിൽ മുങ്ങിക്കിടക്കുന്ന കരിസൽ ഭൂമിയിൽ ജീവിച്ചിരുന്ന സാധാരണ മനുഷ്യൻ പേയ തേവരുടെ ചരിത്രമാണ് കള്ളിക്കാട്ടു ഇതികാസത്തിൽ പറഞ്ഞിരിക്കുന്നത്. അവൻ അഭിമുഖീകരിക്കുന്ന സൗഹൃദം, പ്രണയം, സങ്കടം, കഷ്ടപ്പാടുകൾ, വിഷാദം എന്നിങ്ങനെ വിവിധ വികാരങ്ങളുടെ മിശ്രിതമാണ് കഥ. കള്ളിപ്പട്ടിയിൽ ജലക്ഷാമം പ്രധാന പ്രശ്‌നമായതിനാൽ കർഷകൻ തൻ്റെ ജീവിതത്തിൽ അനുഭവിക്കുന്ന ദുരിതങ്ങളാണ് കഥയിൽ പറയുന്നത്. പൊതുസമൂഹത്തിൽ ജാതിവ്യവസ്ഥ എങ്ങനെ പിന്തുടരപ്പെട്ടുവെന്നും വൈഗ അണക്കെട്ടിൻ്റെ നിർമാണ വേളയിൽ അവിടെയുണ്ടായിരുന്ന ജനങ്ങളെ എങ്ങനെ കുടിയേറാൻ സർക്കാർ നിർബന്ധിതരാക്കിയെന്നും പ്രാദേശിക ഭാഷയിൽ മികച്ച രീതിയിൽ വൈരമുത്തു നോവലിലൂടെ പറയുന്നുണ്ട്. 
വിക്രത്തിനെ നായകനാക്കി ഇത് സിനിമയാക്കാൻ ഉള്ള തയ്യാറെടുപ്പുകൾ നടന്നു വരുന്നു. വലിയ താരനിരയിൽ വമ്പൻ കാൻവാസിലൊരുക്കുന്ന ചിത്രം പൊന്നിയിൻ സെൽവനു ശേഷം തമിഴകത്തു നിന്നുമെത്തുന്ന ബിഗ് ബജറ്റ് പ്രോജക്ടായിരിക്കും. ചിത്രത്തിൻ്റെ ചർച്ചകൾ പുരോഗമിക്കുകയാണ്.