മണ്ണും ചോരയും കലർന്ന ഏറനാളും ചരിത്രത്തിൻറെ പശ്ചാത്തലത്തിൽ പ്രതിരോധത്തിന്റെയും സ്നേഹത്തിന്റെയും ധീരമായ കഥ! മലഞ്ചെരുവിലെ പനയോല മേഞ്ഞ ഓത്തു പള്ളിയിൽ മൊല്ലാക്ക കുട്ടികൾക്ക് പകർന്നു നൽകുന്നത് അക്ഷരങ്ങൾ മാത്രമല്ല സ്വന്തം മണ്ണിലെ പോരാട്ടത്തിന്റെ തീക്കനൽ ചിതറുന്ന കഥകൾ കൂടിയാണ്.  അന്യായ മായി നികുതി പിരിക്കാൻ എത്തിയ മൈസൂർ പടത്തലവൻ മിർ ഇബ്രാഹിമിനെ കഴുത്തറുത്ത് വീഴ്ത്തിയ ധീരനായ അത്തൻ ഗുരുക്കളുടെയും അദ്ദേഹത്തിന്റെ  വിശ്വസ്ത ശിഷ്യൻ ഉമ്മറിന്റെയും സാഹസികതയിൽ തുടങ്ങി ഏറനാട്ടിലെ ജന്മി വിരുദ്ധ- ബ്രിട്ടീഷ് വിരുദ്ധ സമരങ്ങളിലൂടെ കഥ മുന്നോട്ട് പോകുന്നു.