ഈ നോവലിലെ ഭീകരമായ സംഭവവികാസങ്ങൾ ഇന്നാട്ടിൽ ഉണ്ടായതാണ് എന്നത് നമ്മെ അമ്പരപ്പിക്കും.  കേരള ചരിത്രത്തിലെ ഇരുളടഞ്ഞ കാലത്തെ സാമൂഹിക രാഷ്ട്രീയ ജീവിതം കുമാരനല്ലൂർ ദേശത്തെ കേന്ദ്രമാക്കി അവതരിപ്പിക്കുകയാണ് ഇവിടെ. ബെസ്റ്റ് സെല്ലർ ആയി മാറിയ കൃഷ്ണപ്പരുന്തിനും പള്ളിവേട്ടയ്ക്കും ശേഷം എഴുതപ്പെട്ട ഈ സാമൂഹ്യ നോവലിലൂടെ ചരിത്രവും സർഗാത്മകതയും തമ്മിലുള്ള ഇടവരമ്പ് വളരെ നേർത്തതാണെന്ന് പി.വി തമ്പി ബോധ്യപ്പെടുത്തി. കാലത്തിരിച്ചിലിൽ  നാം വലിച്ചെറിഞ്ഞ ദുരാചാരങ്ങൾ ഒരുകാലത്ത് എത്രയോ മനുഷ്യരെ നരകക്കയത്തിലേക്ക് വലിച്ചിട്ടതിൻറെ യഥാർത്ഥ ചിത്രങ്ങൾ ഇതിൽ വായിക്കാം .സവർണ്ണ വാഴ്ചകളുടെ പച്ചയായ ജീവിതം വരച്ചുകാട്ടുകയല്ല അനുഭവിക്കുകയാണ് ഈ നോവൽ.